Sudanda ordu ilə çevik reaksiya qüvvələri (xüsusi təyinatlılar) arasında baş verən toqquşmalarda həlak olan mülki şəxslərin sayı 863 nəfərə çatıb.
Bu barədə Asharq telekanalı xəbər verir.
Bildirilib ki, toqquşmalar nəticəsində yaralanan mülki vətəndaşların sayı 3531 nəfərə çatıb.
BMT-nin 14-nə olan məlumata görə, toqquşmalarda 676 dinc sakin həlak olub, 5575-dən çoxu isə yaralanıb.
Əl-Hadath telekanalının məlumatına görə, səhər saatlarında Sudan silahlı qüvvələri xüsusi təyinatlıların paytaxtdakı bazalarına bir neçə hava zərbəsi endirib. Xartumdakı bombardman ən azı iki saat davam edib. Omdurman və Şimali Xartum şəhərləri yaxınlığında da partlayış səsləri eşidilir.
