Rusiyanın paytaxtı Moskvaya PUA-larla hücum edilib.

Senzor.az yerli KİV-ə istinadən bildirir ki, bu barədə Moskva meri Sergey Sobyanin özünün Teleqram kanalında bildirib.

“Mayın 30-da səhər saatlarında PUA hücumu nəticəsində şəhərdə bir neçə binaya cüzi ziyan dəysə də, tələfat qeydə alınmayıb.

Şəhərin bütün fövqəladə hallar xidmətləri ərazidədir və hadisənin başvermə şəraitini müəyyənləşdirirlər”, - mer bildirib.

Bundan əlavə, Moskva yaxınlığındakı Odintsovo rayonunda partlayışların olduğu qeyd edilib. Lenin prospektindəki binanın xüsusi təyinatlılar tərəfindən mühasirəyə alındığı, istehkamçıların ərazidə işlədiyi bildirilib.

“Baza” Teleqram kanalı isə hücumda 25 PUA-nın iştirak etdiyi barədə məlumat yayıb. Onların əksəriyyəti hava hücumundan müdafiə vasitələri tərəfindən vurulub. Bildirilib ki, PUA-ların əksəriyyəti alçaq məsafədən uçub.