Ötən gecə Rusiya Silahlı Qüvvələri Ukraynanın Kiyev vilayətindəki mülki və kritik infrastruktura “İskəndər” operativ-taktiki raket kompleksindən 10 raket atıb.
Senzor.az yerli KİV-ə istinadən bildirir ki, bu barədə Ukrayna Silahlı Qüvvələrinin Baş Qərargahı məlumat yayıb.
Kiyev Regional Hərbi Administrasiyasının rəhbəri Sergey Popkonun verdiyi məlumata görə, bütün raketlər zərərsizləşdirilib, lakin onların qalıqlarının mülki binalara düşməsi nəticəsində ölənlər və xəsarət alanlar var. Belə ki, Ukrayna paytaxtına edilən raket hücumu nəticəsində 3 nəfər həlak olub, 14 nəfər isə xəsarət alıb. Kiyevin 3 rayonunda binalara ziyan dəyib.
