Kolumbiyada mayın 1-də 7 nəfərlə birlikdə yoxa çıxan və mayın 17-də qalıqları tapılan kiçik təyyarədəki 4 uşağın sağ tapıldığı rəsmən təsdiqlənib.

Senzor.az yerli KİV-ə istinadən bildirir ki, bu barədə Kolumbiya Prezidenti Qustavo Petro öz “Tvitter” hesabında paylaşım edib.

O, paylaşımda yazır: “Bütün ölkə üçün böyük sevinc! 40 gün əvvəl Kolumbiyanın cəngəlliklərində itən 4 uşaq sağ-salamat tapılıb”.

Həftələrlə uşaqlar üçün dayanmadan axtarış aparan hərbiçilər bu xəbəri "Möcüzə" kimi qarşılayıblar.

Qeyd olunur ki, sağ qalanlar arasında 11 aylıq körpə də var.