İtaliyanın sabiq Baş naziri Silvio Berluskoninin dəfn mərasimi 14 iyunda Milan kafedralında (Duomo di Milano) keçiriləcək.
Bu barədə İtaliyanın “Sky TG24” telekanalı məlumat yayıb.
Vida mərasimi bu gün Berluskoninin Arkordakı villasında başlayacaq.
Xatırladaq ki, İtaliyanın sabiq baş naziri bu gün 87 yaşında vəfat edib.
**12:54
İtaliyanın keçmiş Baş naziri Silvio Berluskoni iyunun 12-də Milanda xəstəxanada 87 yaşında vəfat edib.
Bu barədə məlumatı İtaliyanın "Corriere della Sera" qəzeti yayıb.
Qeyd edək ki, Silvio Berluskoni bu il aprel ayının əvvəlində pnevmoniya ilə xəstəxanaya yerləşdirilmişdi. O, xroniki leykozdan əziyyət çəkirdi. Xəstəliklə əlaqədar olaraq kimyaterapiya müalicə kursu keçmişdi. Daha sonra Berluskoni bir aydan çox Milanda "San Raffaele" klinikasında qalıb. İyunun 9-da yenidən xəstəxanaya yerləşdirilib.
S.Beluskoni 1936-cı il sentyabrın 29-da İtaliyanın Milan şəhərində anadan olub. O, dörd dəfə - 1994-1995, 2001-2005, 2005-2006, 2008-2011-ci illərdə İtaliya Nazirlər Sovetinin sədri (ölkənin Baş naziri) olub.
