ABŞ Prezidenti Co Bayden bəyan edib ki, Rusiyanın taktiki nüvə silahlarının Belarusda yerləşdirilməsi böyük məsuliyyətsizlikdir.

Senzor.az bildirir ki, məlumatı Ağ Evin mətbuat xidməti yayıb.

“Mən artıq dəfələrlə bu məsələyə münasibət bildirmişəm. Bu, böyük məsuliyyətsizlikdir”, - deyə ABŞ lideri vurğulayıb.

Xatırladaq ki, Rusiya Prezidenti Vladimir Putin martın 25-də Minskin xahişi ilə, ABŞ-ın çoxdan müttəfiqlərinin ərazisində etdiyi kimi, öz taktiki nüvə silahlarını Belarus ərazisində yerləşdirəcəyini bəyan etmişdi.

Moskva artıq Minskə nüvə silahı daşıya bilən “İsgəndər” raket kompleksinin ilk partiyasını təhvil verdiyini açıqlayıb.