Türkiyənin Kahramanmaraş vilayətində yenidən zəlzələ qeydə alınıb.

Senzor.az yerli KİV-ə istinadən bildirir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Bildirilib ki, vilayətin Göksun rayonunda baş verən yeraltı təkan Rixter şkalası üzrə 4,7 ballıq maqnituda ilə qiymətləndirilib.

Ocağı yerin 7,1 kilometr dərinliyində yerləşən zəlzələdən sonra itki və dağıntılar barədə məlumat verilməyib.

Qeyd edək ki, iyunun 19-da gün ərzində bundan əvvəl Türkiyədə və sahillərində gücü 4 baldan çox olan 6 zəlzələ baş verib.