Bu gün Moskva vilayətindəki hərbi anbarlara PUA hücumu edilib.

Senzor.az yerli KİV-ə istinadən bildirir ki, bu barədə vilayətin qubernatoru Andrey Vorobyov məlumat verib.

Onun sözlərinə görə, PUA-lar hərbi anbarların yaxınlığına düşüb.

Hazırda hadisə yerində xüsusi xidmət orqanları işləyir, ərazi mühasirəyə alınıb.

Dağıntı və tələfatın olmadığı bildirilir.

Hüquq-mühafizə orqanlarından verilən məlumata görə isə Yeni Moskva və Moskva vilayətində radioelektron mübarizə vasitəsinin köməyi ilə üç pilotsuz uçuş aparatı vurulub. Vurulmuş texnikaların qalıqları ekspertizaya göndəriləcək.

Rusiya mətbuatı hücumu Ukrayna ordusunun həyata keçirdiyi barədə məlumat yayıb.