Fransa səlahiyyətliləri iğtişaşların yatırılmasına dəstək məqsədilə Marsel şəhərinə milli jandarma qüvvələrinin iki zirehli transportyorunu göndərib.
TASS-ın məlumatına görə, vəziyyətin sabitləşməsi üzrə təhlükəsizlik qüvvələrinin hərəkətlərinin koordinasiyası üçün şəhərə ikinci helikopter də göndərilir.
İğtişaşların yatırılması zamanı polis tərəfindən saxlanılanların, xüsusən də yeniyetmələrin sayı artmaqda davam edir.
Ölkənin ədliyyə naziri Erik Düpon-Moretti deyib ki, dörd gündür davam edən iğtişaşlar zamanı polis tərəfindən saxlanılan 2 min nəfərdən çox etirazçının təxminən 30%-i yetkinlik yaşına çatmayanlardır.
O xatırladıb ki, 13-14 yaşlı övladları etirazlarda iştirak edən valideynləri 2 il həbs və 30 min avro cərimə gözləyir.
