İyulun 6-na keçən gecə Ukrayna ərazisi Rusiya silahlı qüvvələri tərəfindən raket və kamikadze dronlarının hücumuna məruz qalıb.
Senzor.az yerli KİV-ə istinadən bildirir ki, paytaxt Kiyev də daxil olmaqla ölkənin bütün ərazisi üzrə hava həyəcanı siqnalı çalınıb.
Ukrayna Daxili İşlər Nazirliyinin yaydığı məlumatda raketlərdən birinin Lvovda yaşayış binasına düşdüyü, insanların dağıntılar altında qaldığı bildirilir. Azı 4 nəfərin öldüyü müəyyən edilib, 9 nəfər isə xəsarət alıb.
“Axtarış-xilasetmə əməliyyatı davam edir. Fövqəladə Hallar Dövlət Xidməti 7 nəfəri xilas edib, 64 nəfər təxliyə edilib. Xilasedicilər dağıntıların sökülməsini davam etdirirlər”, deyə nazirlik məlumat yayıb.
Rusiyanın raket hücumları nəticəsində yaşayış binasına ziyan dəyib - iki girişdə 3-cü və 4-cü mərtəbələr dağılıb, 60-a yaxın mənzil və 50 avtomobilə də ziyan dəyib.
