NATO-nun Vilnüs sammiti çərçivəsində NATO-Ukrayna Şurasının ilk iclası keçirilir.
APA xəbər verir ki, alyansın Baş katibi Yens Stoltenberqin sədrliyi ilə keçirilən iclasda Ukrayna Prezidenti Vladimir Zelenski həmçinin, üzv ölkələrin liderləri iştirak edirlər.
İclasın açılışında Stoltenberq qeyd edib ki, alyans Ukraynanın üzv olacağını bir daha təsdiqləyib və Ukraynanın NATO-ya yaxınlaşdırılması qərarı qəbul edilib.
“Bu gün biz bərabərlər kimi görüşəcəyik və mən bizim müttəfiqlər kimi görüşməyimizi səbirsizliklə gözləyirəm”, - Stoltenberq deyib.
Daha sonra iclas zalından media nümayəndələri çıxarılıb və müzakirələr qapalı davam etdirilib.
