“Rusiya Federasiyası Ukrayna ilə sülhə dair İstanbul müqaviləsi layihəsini ümumən məqbul hesab edirdi. Burada Ukraynanın təhlükəsizlik zəmanətləri çox təfərrüatlı şəkildə göstərilmişdi”.

TASS bildirir ki, bunu Rusiya Prezidenti Vladimir Putin I Gələcək Texnologiyalar Forumunda çıxışı zamanı bəyan edib.

O bildirib ki, Ukraynanın öz təhlükəsizliyini təmin etmək hüququ var, lakin bunu Rusiyaya təhlükə yaratmaq hesabına etməməlidir.

“Ukraynanın NATO-ya üzvlüyü Rusiyanın təhlükəsizliyinə təhdid yaradacaq. NATO-ya üzvlük Ukraynanın təhlükəsizliyini artırmayacaq”, - deyə dövlət başçısı bildirib.

O xatırladıb ki, hərbi əməliyyatın səbəblərindən biri məhz Ukraynanın NATO-ya daxil olması təhlükəsi ilə bağlı idi.