Ukrayna Krıma 17 PUA ilə hücuma cəhd edib, onların hamısı hava hücumundan müdafiə vasitələri ilə məhv edilib.
Senzor.az yerli KİV-ə istinadən bildirir ki, bu barədə Rusiya Müdafiə Nazirliyi məlumat yayıb.
“14 Ukrayna PUA-sı elektron müharibə vasitəsilə endirilib, onlardan 11-i Qara dənizə, daha üçü isə yarımadaya düşüb. Daha üç PUA hava hücumundan müdafiə sistemləri tərəfindən məhv edilib. Hücum nəticəsində itki yoxdur”, - məlumatda deyilir.
Qeyd edək ki, bundan əvvəl Krım rəhbəri Sergey Aksyonov Krım səmasında 11 ədəd Ukrayna PUA-sının zərərsizləşdirildiyini demişdi. Hücum zamanı Canköy rayonunda silah-sursat anbarına, Kirovski rayonunda isə PUA-ların dağıntıları şəxsi evə ziyan vurub.
“Baza” Teleqram kanalı isə Canköydə silah anbarının vurulduğu barədə video yayıb.
