Nigerdə hakimiyyəti ələ keçirən xunta Fransaya uran və qızıl ixracını dayandırıb.
Bu barədə BBC məlumat yayıb.
Niger dünyanın yeddinci ən böyük uran istehsalçısıdır və Fransada elektrik enerjisi istehsal etmək üçün istifadə edilən uranın 15-17 faizi Nigerin payına düşür.
Bir müddət əvvəl İspaniya və Almaniya Nigerlə əməkdaşlığı dayandırmaq barədə qərar qəbul ediblər.
Xatırladaq ki, Fransa Xarici İşlər Nazirliyinin bəyanatına əsasən, hərbi çevriliş baş vermiş Afrika ölkəsində konstitusiya quruluşu bərpa olunana qədər Fransa Nigerə maliyyə dəstəyi proqramlarını dayandırıb.
