İsrail mülki gəmisi Rusiyanın Qara dənizdəki taxıl blokadasını yarıb.
Bu barədə UNİAN məlumat yayıb.
“Ams1”, “Şahin 2” və “Yılmaz Kaptan” adlı üç mülki gəmi İstanbul boğazından keçib.
Bu gəmilər İsrail, Yunanıstan və Türkiyə bayraqları altında üzüb.
“Ams1” Dunay çayının Ukrayna qoluna daxil olub.
“Bu, iyulun 25-də Reninin bombalanmasından sonra Rusiyanın Qara dəniz blokadasını pozan ilk gəmidir. Səyahətinə Aşdoddan başlayan İsrail açıq şəkildə gedəcəyi yeriin Ukrayna olduğunu bildirib”, - deyə qeyd olunub.
Gəminin təhlükəsizliyini Amerikanın P8 gəmi əleyhinə təyyarəsi təmin edir.
