Pakistanın cənubunda sərnişin qatarının relsdən çıxması nəticəsində ölənlərin sayı 30 nəfərə çatıb.
“Geo News” verdiyi məlumata görə, Sind vilayətində Navabşax şəhəri yaxınlığında Kəraçidən Abbotabada gedən qatarda 10 vaqonun relsdən çıxması nəticəsində ən azı 80 sərnişin də xəsarət alıb.
**16:53
Pakistanın Sind əyalətinin Nəvvabşah şəhərinin yaxınlığında qatarın 10 vaqonunun relsdən çıxması nəticəsində azı 15 nəfər ölüb, 50 nəfər isə yaralanıb.
“Geo News” xəbər verir ki, bu barədə yerli polis məlumat yayıb.
Bildirilib ki, hazırda xilasetmə işləri aparılır. Yaxınlıqdakı xəstəxanalarda fövqəladə vəziyyət rejimi tətbiq edilir.
