Dövlət hədiyyələrini satmaqda və var-dövlətini gizlətməkdə ittiham olunan Pakistanın keçmiş baş naziri İmran Xana Toşaxana işi çərçivəsində 5 il siyasi qadağa qoyulub.
Senzor.az yerli KİV-ə istinadən bildirir ki, bu barədə Pakistanın Seçki Komissiyası qərar qəbul edib.
Komissiya siyasi qadağa qərarını qəbul edərkən 2017-ci il Seçki Qanununun 232-ci maddəsinə və Konstitusiyanın 63(1)(h) maddəsinə - Xana qarşı həbs cəzasına əsaslanıb.
Xatırladaq ki, avqustun 5-də İslamabad məhkəməsi Xanı dövlətə məxsus Toşaxan anbarından qiymətli əşyaların satışı ilə bağlı dələduzluq işi ilə bağlı üç il müddətinə azadlıqdan məhrum edib. Cəza həm də Xanın beş il müddətinə siyasi fəaliyyətlə məşğul olmaq imkanından məhrum edilməsini nəzərdə tutur. Keçmiş Baş nazir hökmdən qısa müddət sonra Lahordakı iqamətgahında həbs edilib.
