ABŞ-ın Dövlət katibi Antoni Blinken hərbi çevriliş nəticəsində hakimiyyətdən uzaqlaşdırılan Niger Prezidenti Məhəmməd Bazuma zəng edib.
Senzor.az bildirir ki, bu barədə ABŞ dövlət katibi özünün Twitter səhifəsində məlumat verib.
“Mövcud konstitusiya böhranının sülh yolu ilə həlli üçün davam edən səylərimizi ifadə etmək üçün Niger Prezidenti Bazum ilə danışdıq”, - A.Blinken qeyd edib.
A.Blinken telefon danışığının digər təfərrüatı barədə məlumat verməyib.
Qeyd edək ki, iyulun 26-da bir qrup Niger hərbçisi qiyam qaldırıb, Prezident Məhəmməd Bazumu hakimiyyətdən kənarlaşdırıb, ölkədə komendant saatı tətbiq edib, partiyaların fəaliyyətinə qadağa qoyub.
Ölkənin idarə edilməsi üçün iyulun 28-də general Abdurahman Tçianinin rəhbərliyi ilə Milli Şura yaradılıb.
