İstanbul hava limanında çalışan personalı daşıyan avtobus Eyüpsultanda aşıb.

Senzor.az yerli KİV-ə istinadən bildirir ki, İşıqlar-Ağaçlı yolunda körpünün üzərində olarkən avtobus naməlum səbəbdən idarəetmədən çıxaraq təxminən 6 metr hündürlükdən boş sahəyə düşüb.

Bölgəyə polis, xilasetmə və tibbi yardım qrupları cəlb edilib.

Sürücü ilə birlikdə avtobusda 47 nəfər olub. İlkin məlumata görə, onlardan 29-u yaralanıb. 

Hadisə yerinə gələn tibbi qrupların ilk müdaxiləsindən sonra yaralılar təcili yardım maşınları ilə ətrafdakı xəstəxanalara aparılıblar.

Faktla bağlı araşdırma aparılır.