Benyamin Netanyahunun rəhbərlik etdiyi hökumətin İsraildəki məhkəmə islahatının əleyhdarları şənbə axşamı ölkə daxilində bir sıra yeni kütləvi etiraz aksiyaları təşkil ediblər. 

Senzor.az yerli KİV-ə istinadən bildirir ki, ən böyük nümayiş müxalifət əhval-ruhiyyəsinin güclü olduğu Təl-Əvivdə keçirilib.

Etirazçılar hökumət əleyhinə şüarlar səsləndirib və islahatların geri çağırılmasını tələb ediblər. Təl-Əvivdə yürüş Dizengofun mərkəzi meydanından şəhərin şərqindəki ənənəvi kütləvi mitinqin keçirildiyi hökumət binaları kompleksinə keçib.

İsrail televiziyasının 13-cü kanalının məlumatına görə, Təl-Əvivdə hazırkı aksiya 100 mindən çox iştirakçı toplayıb. Bu axşam nümayişlər ölkənin bir çox digər şəhərlərində, o cümlədən Hayfa, Kfar-Sava və Herzliya şəhərlərində də baş tutub. Ümumilikdə təşkilatçılar şənbə günü axşam İsrail boyu 150 aksiya keçirəcəklərini bildiriblər.

Qeyd edək ki, məhkəmə islahatının əleyhdarları ardıcıl 32-ci şənbə günü kütləvi etiraz aksiyaları keçirirlər.

İsraildə kütləvi etirazlar Netanyahunun rəhbərlik etdiyi ölkə hökumətinin genişmiqyaslı məhkəmə islahatı planını təqdim etdiyi İlin əvvəlindən davam edir.