Almaniyanın Hannover şəhərində (Aşağı Saksoniya) separatçı terror təşkilatı PKK tərəfdarları məscidin divarlarına təhqiramiz yazılar yazıblar.
Senzor.az Türkiyə mətbuatına istinadən bildirir ki, bu barədə Almaniya Türk-İslam Dini Qurumlar Birliyi (DİTİB) məlumat yayıb.
Məlumata görə, hadisə avqustun 15-də yerli vaxtla saat 04:40 radələrində Hannover Mərkəzi Məscidində baş verib.
Səhər namazına gələnlər məscidin girişində sprey ilə yazılmış yazı görüblər. Orada terror təbliğatı və Türkiyəyə qarşı təhqirlər yer alıb.
DİTİB əməkdaşı Mehmet Zenginin sözlərinə görə, məscidə qarşı oxşar təxribatlar əvvəllər də törədilib.
Hadisə ilə bağlı polis məlumatlandırılıb, müşahidə kameralarının görüntüləri hüquq-mühafizə orqanlarının əməkdaşlarına təhvil verilib.
Senzor.az
