Rusiyanın İstintaq Komitəsi "Vaqner" özəl hərbi şirkətinin qurucusu Yevgeni Priqojinin ölümünü rəsmən təsdiqləyib.
Bu barədə İstintaq Komitəsinin mətbuat xidmətindən bildirilib.
“Tver vilayətində baş verən təyyarə qəzasında həlak olanların kimliyinin müəyyənləşdirilməsi başa çatıb, onların arasında Priqojın da var”, - qurum açıqlayıb.
Xatırladaq ki, avqustun 23-də Rusiyanın Tver vilayətində Y.Priqojinə məxsus “Embraer Legacy 600” biznes təyyarəsi qəzaya uğrayıb. Hava gəmisinin göyərtəsində eyni zamanda 6 sərnişin, o cümlədən "Vaqner"in komandiri Dmitri Utkin və 3 ekipaj üzvü olub. Qəza nəticəsində təyyarədə olan 10 nəfər həlak olub.
