Rusiya Prezidenti Vladimir Putinlə Hindistanın Baş naziri Narendra Modi arasında telefon danışığı olub.
Senzor.az bildirir ki, bu barədə Kremlin rəsmi məlumat yayıb.
Tərəflər Rusiya-Hindistan münasibətlərini müzakirə edib və kosmik tədqiqatlar sektorunda ikitərəfli əməkdaşlığı daha da inkişaf etdirmək barədə razılığa gəliblr.
Rusiya və Hindistan liderləri BRİKS sammitinin (22-24 avqust tarixində CAR-ın paytaxtı Yohannesburqda keçirilib-red.) nəticələrini müzakirə ediblər və təşkilatın genişləndirilməsinin vacibliyini vurğulayıblar.
Telefon danışığı zamanı enerji sektorunda əməkdaşlıq və nəqliyyat infrastrukturunun tikintisi məsələləri də müzakirə edilib.
Putin və Modi həmçinin 9-10 sentyabrda Hindistanda keçiriləcək G-20 Liderlərin Zirvə Sammiti ilə bağlı fikir mübadiləsi aparıblar.
