“Vaqner”in rəhbəri Yevgeni Priqojin bu gün Sankt-Peterburqda dəfn edilib.

Senzor.az yerli KİV-ə istinadən bildirir ki, bu barədə şirkətin mətbuat xidməti məlumat yayıb.

Məlumata görə, Priqojin Krasnoqvardeyski rayonunda yerləşən Poroxovskoye qəbiristanlığında torpağa tapşırılıb.

Dəfn mərasimi qohumlarının istəyinə uyğun olaraq, yalnız ən yaxın dostlarının iştirakı ilə qapalı formatda baş tutub. Priqojinin dəfn olunduğu qəbiristanlıq mərasim keçirilərkən polis, Rusiya Qvardiyasının mühafizəçiləri, yol-patrul xidməti və xüsusi təyinatlı dəstələrin əməkdaşları tərəfindən mühasirəyə alınıb və kənar adamların əraziyə girişinə icazə verilməyib.