Bir qrup yüksəkrütbəli hərbçi “Qabon 24” telekanalında çıxış edərək, indi Mərkəzi Afrika ölkəsinə rəhbərlik etdiyini açıqlayıb.

Senzor.az xarici KİV-ə istinadən bildirir ki, onlar həmçinin hakimiyyət institutlarının buraxıldığını qeyd ediblər.

Bu, Qabon Seçki Komissiyasının Prezident Əli Bonqonun üçüncü dəfə prezident seçkisində qalib gəldiyini elan etməsindən dərhal sonra baş verib. Üsyançılar səsvermənin nəticələrini tanımayacaqlarını bildiriblər.

Hazırda Qabonun paytaxtı Librevildə atışma səsləri eşidilir.

Bu arada dövlət televiziyası  Prezidentin ev dustaqlığına alındığı barədə məlumat yayıb: “Prezident Əli Bonqo Ondimba ailəsi ilə birgə və həkimlərin nəzarəti altında ev dustaqlığındadır”.

Məlumatda həmçinin bildirilir ki, dövlət başçısının oğullarından biri dövlətə xəyanətə görə həbs edilib.

Qeyd edək ki, keçən ay Nigerdə hərbi çevriliş baş verib və üsyançılar hakimiyyəti ələ keçiriblər.