ABŞ dövlət katibi Entoni Blinken İsrail və Fələstin liderləri Benyamin Netanyahu və Mahmud Abbasla telefon danışığı aparıb.
Senzor.az yerli KİV-ə istinadən bildirir ki, bunu ABŞ Dövlət Departamentinin sözçüsü Metyu Miller deyib.
“Blinken Abbasla söhbətində iki dövlət prinsipinə sadiqlik və onu təhdid edəcək hərəkətlərdən imtina etməyi müzakirə edib. Netanyahu ilə söhbətində isə ikitərəfli tərəfdaşlığın gücünü və ABŞ-ın İsrailin təhlükəsizliyinə sadiqliyini təsdiqləyib”, - Miller bildirib. 
Onun sözlərinə görə, Blinken və Netanyahu İrandan gələn təhlükənin qarşısının alınmasını da müzakirə ediblər.
