Sentyabrın 11-də İran İslam Respublikasının Ali Rəhbəri Seyid Əli Xamenei sünni bəluclarin yaşadığı Sistan və Bəlucistan əyalətinin sakinləri ilə görüşəcək.
Bu barədə Amerika Müharibənin Öyrənilməsi İnstitutu məlumat yayıb.
Məqsəd İranın şərqindəki əyalətlərdə böyük iğtişaşlar riskini azaltmaqdır.
Bu əyalət İranda hökumət əleyhinə mitinqlər zamanı ən böyük etiraz nöqtəsi hesab olunurdu. “Qanlı Cümə” kimi tanınan hadisələr məhz Sistan və Bəlucistanın paytaxtı Zahedan şəhərində baş verib. 2022-ci il sentyabrın 30-da polisin nümayişçilərə qarşı vəhşicəsinə müdaxiləsi zamanı ən azı 35 nəfər həlak olub. Bu hadisədən sonra əyalətdə hər həftə cümə günləri rejimə qarşı etiraz aksiyaları keçirilir.
