Rusiya Prezidenti Vladimir Putin Çeçenistanın ən yüksək mükafatı – “Kadırov ordeni” ilə təltif edilib.
Senzor.az bildirir ki, bu barədə Çeçenistan rəhbəri Ramzan Kadırov Teleqram kanalında yazıb.
"Çeçenistan Respublikasının ən yüksək mükafatı - bir nömrəli Əhməd Hacı Kadırov adına ordeni Rusiya Federasiyasının Prezidenti Vladimir Vladimiroviç Putinə verildi", - Kadırov vurğulayıb.
O, bununla bağlı sərəncamın 2007-ci ildə imzalandığını, lakin “Cümhuriyyətin bərpasında əvəzsiz xidmətləri olan” və “ən çətin dövrdə xalqa dəstək olan” şəxsə mükafatın verilməsi üçün heç bir münasib fürsət olmadığını bildirib.
O qeyd edib ki, mükafat bütün region sakinlərinin minnətdarlığıdır.
