İsrailin Baş naziri Benyamin Netanyahu və ABŞ dövlət katibi Antoni Blinkenin Təl-Əvivdə təkbətək görüşündən sonra birgə mətbuat konfransı olub.
Bu barədə “The Times of Israel” nəşri xəbər verir.
Məlumata görə, daha sonra onların müdafiə naziri Yoav Gallant, Milli Birlik partiyasının lideri Benny Gantz və keçmiş Baş Qərargah rəisi MK Qadi Eisenkotun iştirak etdiyi fövqəladə birlik hökumətinin üzvləri ilə görüşü planlaşdırılır.
**14:28
İsraildə səfərdə olan ABŞ-nin dövlət katibi Antoni Blinkenlə bu ölkənin Baş naziri Benyamin Netanyahu arasında görüş başlayıb.
“Report” xəbər verir ki, danışıqlar Təl-Əvivdə yerləşən Kiriye iqamətgahında keçirilir.
Görüş İsrailin xarici işlər naziri Eli Koen, strateji planlaşdırma naziri Ron Dermer, İsrailin ABŞ-dakı, Birləşmiş Ştatların İsraildəki səfirləri və başqa məmurların iştirakı ilə genişləndrilmiş tərkibdə keçirilir.
Geniştərkibli danışıqlardan sonra A.Blineklə B.Netanyahu arasında təkbətək danışıqlar olacaq.
Bu görüşdən sonra birgə mətbuat konfransının olacağı gözlənilir.
A.Blinkenin eyni zamanda, İsrailin müdafiə naziri Yoav Qalant, Maxane Mamlaxati Partiyasının lideri Beni Qans və Knessetin deputatı Qadi Ayzenkotun iştirakı ilə genişləndirilmiş görüşü olacaq.
**11:36
ABŞ dövlət katibi Entoni Blinken İsrailə səfər edib.
Bu barədə İsrail KİV məlumat yayıb.
ABŞ rəsmisinin İsrailin yüksək vəzifəli şəxsləri ilə görüşləri gözlənilir.
Qeyd edək ki, ABŞ Dövlət Departamenti Blinkenin 11-13 oktyabr tarixlərində İsrail və İordaniyaya səfər edəcəyi barədə məlumat yaymışdı. Səfər çərçivəsində ikitərəfli və regional məsələlərin müzakirəsinin gündəlikdə yer alması bildirilib.
