İsrailin Baş naziri Benyamin Netanyahu İsrail-Fələstin münaqişəsinin başlamasından sonra ABŞ dövlət katibi Antoni Blinkenlə ikinci görüşünü keçirib.
Bu barədə TASS məlumat yayıb.
Qeyd olunur ki, siyasətçilərin ilk görüşü oktyabrın 7-də baş tutub.
Bundan əvvəl A.Blinken deyib ki, Birləşmiş Ştatlar İsraili və onun müdafiə hüququnu dəstəkləyir.
Qeyd edək ki, Fələstinin HƏMAS qruplaşmasının oktyabrın 7-dən etibarən həyata keçirdiyi hücumlar nəticəsində İsraildə ölənlərin sayı 1 400-ə çatıb. Bildirilib ki, 3 000-dən çox adam yaralanıb. Ərazidə 1 300-dən çox bina dağılıb.
**15:06(16.10.2023)
ABŞ dövlət katibi Entoni Blinken İsrailə qayıdıb.
"Bloomberg" xəbər verir ki, ABŞ dövlət katibi 6 ərəb ölkəsinə səfər etdikdən sonra bu gün yenidən İsrailə səfər edib.
Onun İsrail dövlət və hökumət başçıları ilə görüşlər keçirəcəyi gözlənilir.
Xatırladaq ki, Blinken oktyabrın 11-dən bəri Yaxın Şərq regionunda səfərdədir. Dövlət katibi HAMAS-ın hücumundan sonra İsrail ilə həmrəylik nümayiş etdirmək və vəziyyəti müzakirə etmək üçün İsrailə səfər edib və daha sonra digər ərəb ölkələrinə gedib.
ABŞ regionda münaqişənin qarşısını almaq üçün diplomatik səylər gücləndirib.
