Rusiya və Çin liderləri arasında danışıqlar üç saat davam edib.
APA xəbər verir ki, bu barədə Rusiya Prezidenti Vladimir Putin Pekinə səfəri ilə bağlı mətbuat konfransında bildirib.
"Üç saat danışdıq, ikitərəfli gündəliyi, Ukrayna və Yaxın Şərqi müzakirə etdik", deyə Putin vurğulayıb.
Rusiya prezidenti qeyd edib ki, o, Si Cinpini Ukrayna trekindəki vəziyyətlə bağlı ətraflı məlumatlandırıb.
Putin Bişkekdə keçiriləcək görüşdə Rusiya Federasiyası və Çinin baş nazirləri iki ölkə arasında 2030-cu ilə qədər qarşılıqlı fəaliyyət planını imzalayacaqlarını də söyləyib.
