ABŞ-ın müdafiə naziri Lloyd Ostin Yaxın Şərqdə THAAD (Terminal High Altitude Area Defence) raketdən müdafiə sistemlərinin və əlavə "Patriot" zenit-raket komplekslərinin batareyasının yerləşdirilməsinə göstəriş verib.
Senzor.az yerli KİV-ə istinadən bildirir ki, bu barədə Pentaqonun mətbuat xidməti məlumat yayıb.
L.Ostin qeyd edib, ABŞ Prezidenti Co Baydenlə məsləhətləşmələrdən sonra ölkənin Müdafiə Nazirliyinin regionda mövqeyini gücləndirmək qərarı verilib.
"Mən həmçinin Amerika qüvvələrinin müdafiəsini gücləndirmək üçün bölgəyə THAAD batareyası və əlavə Patriot batalyonlarının yerləşdirilməsinə göstəriş vermişəm", - deyə L.Ostin qeyd edib.
Bundan başqa o, "hazırlığı və lazım gələrsə, tez cavab vermək qabiliyyətini artırmaq" üçün əlavə qoşunların yerləşdirilməsi üçün göstəriş veriləcəyini deyib.
