Fransa və Ermənistan Müdafiə nazirlikləri arasında əməkdaşlığa dair sənədlər imzalanıb.
APA xəbər verir ki, bu barədə Ermənistan müdafiə naziri Suren Papikyan "X" hesabında bildirib.
Onun sözlərinə görə görüş zamanı razılaşmaların icrası ilə bağlı görülən işlərin gedişi müzakirə olunub:
“Əməkdaşlığın inkişafı üçün yeni imkanlar, o cümlədən müdafiə sistemlərinin əldə edilməsi, hərbi təhsil, təlim, təcrübə mübadiləsi və qarşılıqlı maraq doğuran digər sahələr qeyd edilib.
Əməkdaşlığımızın hazırkı vəziyyəti yüksək qiymətləndirilib.
Müdafiə sahəsində əməkdaşlığın inkişafına hərtərəfli dəstəyə görə mən Fransa tərəfinə minnətdarlığımı bildirdim”.
**17:03
Ermənistanın müdafiə naziri Suren Papikyan fransalı həmkarı Sebastyan Lekornu ilə görüşüb.
Bu barədə Fransa Müdafiə Nazirliyi “X” platformasında yazıb.
Qeyd olunub ki, tərəflər görüş zamanı Ermənistanın dövlət sərhədlərinin təhlükəsizliyini təmin etməyə imkan verəcək silahların alınmasını rəsmiləşdirmək üçün müzakirə aparıb.
