Oktyabrın 24-də Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olub.

Senzor.az yerli KİV-ə istinadən bildirir ki, bu barədə Türkiyənin Prezident Administrasiyası məlumat yayıb.

Dövlət başçıları qarşılıqlı maraq doğuran məsələləri müzakirə ediblər.

R.T.Ərdoğan və V.Putin həmçinin Yaxın Şərqdəki durum barədə danışıblar.

Türkiyə Prezidenti bildirib ki, Qəzza zolağında görünməmiş humanitar böhrana Qərbin sükutu səbəb olub və bu susqunluq indi də davam edir: "Fələstin ərazilərində zorakılıq dərinləşir və ölən dinc əhalinin sayı hər dəqiqə artır. Qərb dövlətlərinin susqunluğu Qəzza zolağında görünməmiş miqyasda humanitar böhrana səbəb olur”, - deyə Türkiyə lideri bildirib. 

O, həmçinin əlavə edib ki, Ankara Yaxın Şərqdə sabitliyin təmin edilməsi üçün səylərini bundan sonra da davam etdirmək niyyətindədir.