Türkiyə xarici işlər naziri Hakan Fidan bu gün Aİ nümayəndəliyinin rəhbəri Nikolaus Meyer-Landrutu və Avropa İttifaqına üzv ölkələrin Türkiyədəki səfirlərini qəbul edib.
Senzor.az yerli KİV-ə istinadən bildirir ki, bu barədə Türkiyə XİN-dəki mənbə məlumat verib.
Qeyd olunub ki, görüş zamanı Cənubi Qafqaz, Orta Asiya və Ukraynadakı müharibə kimi aktual məsələlər də gündəmə gətirilib.
Bundan əlavə, tərəflər İsrail-Fələstin münaqişəsini də müzakirə ediblər.
H. Fidan Qəzzada baş verən hadisələrə dair mülki əhalini hədəf alan hücumların qəbuledilməz və dərhal dayandırılmalı olduğunu vurğulayıb.
O, münaqişənin regional səviyyəyə çatmasının qarşısının alınmasının da lazım olduğunu əlavə edib.
