İsrail ordusunun atdığı raket Qəzzada minlərlə xəstə və mülki şəxsin olduğu Şifa xəstəxanasının girişinə düşüb.

Senzor.az xarici KİV-ə istinadən bildirir ki, həmin anda ərazidə çox sayda təcili yardım avtomobili də dayanıbmış.

Qəzzanın Səhiyyə Nazirliyinin sözçüsü bildirib ki, avtomobillər Rəfah keçid məntəqəsinə xəstə aparmağa hazırlaşırmış.

Onun sözlərinə görə, hadisə nəticəsində çoxlu ölən və yaralananlar var.

İsrail Müdafiə Qüvvələrinin X hesabında paylaşılan xəbərdə isə bildirilir ki, HƏMAS üzvləri diqqətdən yayınmaq üçün təcili yardım maşınlarından istifadə edirlərmiş. Elə buna cavab olaraq da İsrail aviasiyası təcili yardım maşınını vuraraq Həmas terrorçularını zərərsizləşdirib.