“Avropa İttifaqının genişlənməsi məsələsində heç bir formul yoxdur. Burada iki element lazımdır. Birincisi, siyasi iradə, ikincisi, hər iki tərəfin genişlənmə qabiliyyətidir. Elementlərdən biri əskik olanda isə problemlər yaranır”.
Bunu Aİ-nin Kiyevdəki səfiri Katarina Maternova bildirib. deyib. Onun sözlərinə görə, proses iki amilin, xüsusən də siyasi iradənin birləşməsindən asılıdır.
O əlavə edib ki, Aİ sonuncu dəfə 2013-cü ildə yeni üzv qəbul edib - Xorvatiya. Maternova yeni genişlənmə arzusunun 2022-ci ildən sonra yenidən ortaya çıxdığını vurğulayıb.
“Ukraynanın Aİ-nin genişlənməsində roluna gəldikdə, heç bir “adi qaydalar” yoxdur. Unutmamalıyıq ki, məsələ təkcə Ukraynada deyil. Avropa İttifaqının imkanları da vacibdir və buna nail olmaq asan məsələ deyil”, - deyə Aİ səfiri yekunlaşdırıb.
Qeyd edək ki, 2022-ci ilin fevral ayının sonunda Rusiyanın hərbi əməliyyatlarının başlaması ilə Ukrayna Avropa İttifaqına daxil olmaq üçün səylərini artırıb. Münaqişə fonunda Kiyev Aİ-yə namizəd statusu alıb və 2023-cü ildə üzvlük danışıqları mərhələsinə çatacağına söz verib. Eyni zamanda, iyunun sonuna qədər Ukrayna danışıqlar prosesinə başlamaq üçün zəruri olan 7 şərtdən yalnız ikisini yerinə yetirib.
