Hazırda Ermənistanı fəal şəkildə “müdafiə edən” Qərb dövlətləri Rusiyaya qarşı İrəvanla dost olmaq istəyirlər.

Bu barədə Rusiyanın xarici işlər naziri Sergey Lavrov "Rossiya 1" telekanalının efirində deyib.

Eyni zamanda nazir qeyd edib ki, Moskvanın Ermənistanın xarici tərəfdaşlarına və dostlarına qarşı heç bir qərəzi yoxdur.

“Biz KTMT-nin üzvü kimi, yaxın müttəfiqimiz və strateji tərəfdaşımız kimi Ermənistanın xarici tərəfdaşlarla münasibətləri necə quracağını müəyyənləşdirməsinin tərəfdarıyıq”, - deyə o bildirib.

Diplomat həmçinin qeyd edib ki, Rusiya Federasiyası heç vaxt “heç kimə qarşı heç kimlə dost deyil”.

Qeyd edək ki, Rusiya Prezidenti Vladimir Putin ermənilərə humanitar yardım göstərməyə hazır olduqlarını qeyd edib və bildirib ki, Ermənistan Rusiya Federasiyası ilə müttəfiq ölkə olaraq qalır.