Avropa İttifaqının müdafiə nazirləri Aİ-nin Ukraynaya dəstəyini müzakirə edəcəklər.

APA xəbər verir ki, Ukraynaya hərbi dəstək məsələsi Aİ-nin Xarici İşlər Şurasının noyabrın 14-də keçirlən iclasında müzakirə olunacaq.

Şurada həmçinin Sürətli Yerləşdirmə Potensialı (Rapid Deployment Capacity) mexanizmi və Aİ-nin Ümumi Təhlükəsizlik və Müdafiə Siyasəti (CSDP) ilə bağlı fikir mübadiləsi aparılacaq.

Aİ-nin Xarici İşlər Şurasının iclasından əvvəl isə NATO-nun baş katibi Yens Stoltenberq və Avropa Müdafiə Agentliyinin Rəhbər Şurası ilə qeyri-rəsmi səhər yeməyi olacaq.