Qəzza zolağında fələstinli radikalların saxladığı 13 israilli girovdan ibarət ilk qrup Misirə gəlib.
Bu barədə “Kan” dövlət televiziya və radio şirkəti məlumat yayıb.
Məlumata görə, hazırda İsrail xüsusi xidmət orqanlarının nümayəndələri azad edilənlərlə danışıqlar aparırlar.
**18:53
HƏMAS 13 israilli girovu Beynəlxalq Qırmızı Xaç Komitəsinə (BQXK) təhvil verib.
Bu barədə İsrail mətbuatı məlumat yayıb.
Bildirilib ki, BQXK-ya təhvil verilən israilli girovlar Rəfah keçid məntəqəsinə gətirilir.
Xatırladaq ki, oktyabrın 7-də HƏMAS-ın İsrailin cənubuna qəfil hücumu zamanı 1200-dən çox israilli öldürülüb, 244 israilli girov götürülüb.
