ABŞ-ın maliyyə nazirinin müavini Brayan Nelson Türkiyəyə getmək və orada Qəzza zolağına humanitar yardımın çatdırılmasını müzakirə etmək niyyətindədir.
ABŞ Maliyyə Nazirliyi mətbuat xidmətinin yaydığı məlumatda belə deyilir.
Məlumatda Nelsonun noyabrın 26-dan dekabrın 1-dək Omanın paytaxtı Maskata, o cümlədən Ankara və İstanbula səfər edəcəyi, orada Fələstinin HƏMAS radikal hərəkatına maliyyə təzyiqi, habelə Rusiyaya qarşı məhdudlaşdırıcı tədbirlərin görülməsi məsələsini gündəmə gətirmək niyyətində olduğu qeyd edilir.
Məlumatdan göründüyü kimi, ABŞ Maliyyə Nazirinin müavini Türkiyədə Ukraynadakı müharibəni dəstəkləməyə yönəlmiş "ticarət və maliyyə fəaliyyətlərinin qarşısını almaq, pozmaq və araşdırmaq səylərini müzakirə edəcək".(“Report”)
