NATO XİN rəhbərləri Rusiyanın Ukrayna və ondan kənarda stabilliyi pozmaq cəhdlərini müzakirə edəcək.
Bunu NATO Baş katibi Yens Stoltenberq mətbuat brifinqində deyib.
"Rusiya Avropaya müharibəni geri gətirib. Bu ölkə kiberhücumlar, dezinformasiya, enerji şantajı və miqrasiya ilə bizim demokratiyamızı sarsıtmağa cəhd edir. Son həftələr Moskva miqrantların Rusiya və Finlandiya sərhədinə gətirilməsinə vasitəçilik edir. Rusiya miqrasiyanı öz qonşusuna və NATO üzvünə (Finlandiya- red.) qarşı təzyiq vasitəsi kimi istifadə edir".
Baş katib deyib ki, NATO Finlandiya ilə həmrəydir.
