Rusiya Prezidenti Vladimir Putin dünya həyatında tektonik dəyişikliklərə rəhbərlik edib.
Senzor.az yerli KİV-ə istinadən bildirir ki, bunu Kremlin mətbuat katibi Dmitri Peskov deyib.
“Putinin namizəd olmağa razılıq verməsi həqiqətən qlobal hadisədir. Dünyada baş verənlərə baxın, əslində Rusiya və Rusiyanın başında duran Putin qlobal həyatın bütün sahələrində - istər dünya siyasətində, istərsə də dünya iqtisadiyyatında - tektonik dəyişikliklər, tektonik sürüşmələr prosesinə rəhbərlik edib”, - Peskov bildirib.
O əlavə edib ki, ruslar öz prezidentinin ətrafında birləşiblər və prezidenti dəstəkləmək istəkləri barədə susmaq istəmirlər, bu barədə danışır, yazırlar.
Xatırladaq ki, bu gün Rusiya Prezidenti Vladimir Putin 2024-cü ilin 17 martında keçiriləcək prezident seçkilərində namizəd olacağını açıqlayıb.
