Qəzza zolağındakı qaçqın düşərgələrində ən azı 360 min nəfər müxtəlif yoluxucu xəstəliklərə yoluxub.
Senzor.az yerli KİV-ə istinadən bildirir ki, bu barədə Fələstin Səhiyyə Nazirliyi məlumat yayıb.
Məlumata görə, İsrail hərbi əməliyyatları nəticəsində sığınacaqda sıxlıq yaranıb, hazırda orada 1,9 milyona yaxın insan var: “Ümumdünya Səhiyyə Təşkilatı sığınacaqda meningit, suçiçəyi, sarılıq və yuxarı tənəffüs yollarının infeksiyaları halları qeydə alıb. Qəzza zolağındakı 36 xəstəxanadan yalnız 11-i xəstələri məhdud şəkildə qəbul etməyə davam edir. Fələstin anklavının şimalında isə sadəcə bir tibb müəssisəsi qismən fəaliyyət göstərir”.
