HƏMAS-ın əsirliyindən qaçan 3 girov Qəzza zolağında keçirilən əməliyyat zamanı İsrail Müdafiə Qüvvələrinin əsgərləri tərəfindən səhvən öldürülüb.
Senzor.az yerli KİV-ə istinadən bildirir ki, bu barədə İsrail Baş nazirinin ofisinin nümayəndəsi Ariel Bulşteyn brifinqdə bildirib.
“Nəyin səhv getdiyini müəyyən etmək, gələcəkdə oxşar faciəli hadisələrin qarşısının necə alınacağını müəyyən etmək lazımdır”, - o deyib.
Bulsteyn vurğulayıb ki, baş verənlərə baxmayaraq, İsrail hərbi əməliyyatlardan əl çəkməyəcək və onları daha az qüvvə ilə davam etdirəcək, Qəzza zolağının getdikcə daha çox yeni ərazilərini təmizləyəcək, çünki girovları azad etməyin başqa yolu yoxdur.
Xatırladaq ki, İsrail əsgərləri Qəzza zolağında gedən döyüş zamanı dekabrın 15-də də 3 girovu təhlükə hesab edərək atəş açaraq öldürmüşdülər.
