Böyük Britaniyanın xarici işlər naziri Devid Kameron və İordaniyanın xarici işlər naziri Ayman Safadi Qəzzadakı durumu müzakirə ediblər.
Bunu britaniyalı nazir "X" hesabında yazıb.
D.Kameron vurğulayıb ki, Böyük Britaniya və İordaniya Qəzzadakı fələstinli mülki şəxslərə mümkün qədər çox yardım etmək üçün birlikdə çalışır.
"Ammanda mən xarici işlər naziri Ayman Safadiyə humanitar yardımlara verdiyi dəstəyə görə təşəkkür etdim.
Qəzzaya yardım və yanacaq axınının artırılması üçün təzyiq etməyə davam edəcəyik",- o bildirib.
