Qəzza zolağında 36 xəstəxanadan yalnız 9-u qismən fəaliyyət göstərir. Onların hamısı anklavın cənubundadır.
Bunu Ümumdünya Səhiyyə Təşkilatının (ÜST) Fələstin ərazilərindəki nümayəndəsi Riçard Piperkorn Cenevrədə keçirdiyi brifinqdə bildirib.
O qeyd edib ki, Qəzzanın şimalda işləyən xəstəxana qalmayıb.
ÜST qalan müalicə müəssisələrinin təchizatını artırmaq üçün humanitar atəşkəs çağırışını təzələyib.
Bildirilib ki, ÜST dekabrın 20-nə kimi Qəzza zolağında səhiyyə infrastrukturuna 246 hücum qeydə alıb, nəticədə 582 nəfər ölüb, 748 nəfər yaralanıb. 36 xəstəxanadan 26-na ziyan dəyib.
