Rusiya Prezidenti Vladimir Putin Ermənistanın baş naziri Nikol Paşinyanı qarşılayıb.
Bu barədə “Sputnik Armenia” məlumat yayıb.
Bildirilib ki, N.Paşinyan Ali Avrasiya İqtisadi Şurasının iclasının keçiriləcəyi yerə gəlib.
**15:43 
Ermənistan Baş naziri Nikol Paşinyan Rusiyada səfərdədir.
Yerli KİV xəbər verir ki, Paşinyan 25-26 dekabr tarixlərində Avrasiya Ali İqtisadi Şurasının iclasında və MDB-nin qeyri-rəsmi sammitində iştirak etmək üçün Sankt-Peterburqa gedib.
**10:43
Ermənistanın baş naziri Nikol Paşinyan MDB və Avrasiya İqtisadi İttifaqının sammitində iştirak etmək üçün Sankt-Peterburqa gedib.
Bu barədə TASS məlumat yayıb.
Bildirilib ki, dekabrın 25-26-da Rusiyanın Sankt-Peterburq şəhərində MDB və Avrasiya İqtisadi İttifaqına üzv ölkələrin dövlət və hökumət başçılarının zirvə toplantısı olacaq.
Sammit Rusiya Prezidenti Vladimir Putinin dəvəti və təşəbbüsü ilə keçirilir.
Senzor.az xatırladır ki, N.Paşinyan bundan əvvəl, noyabrda Bişkekdə MDB sammitində və Minskdə KTMT liderlərinin sammitində iştirak etməyib. Bundan başqa, o, Moskvada MDB Hökumət Başçıları Şurasının iclasına da qatılmayıb.
