İran prezidenti İbrahim Rəisinin Türkiyəyə səfərinin tarixi açıqlanıb.
Bu barədə İran rəsmiləri məlumat yayıb.
Bildirilib ki, səfərin yanvarın 4-də baş tutacağı planlaşdırılıb. Qeyd olunub ki, o, Türkiyəli həmkarı Rəcəb Tayyib Ərdoğanla görüşəcək.
Liderlərin ikitərəfli və regional məsələləri müzakirə edəcəkləri gözlənilir.
**15:16
İran prezidenti İbrahim Rəisi Türkiyəyə səfər edə bilər.
Bu barədə Türkiyə KİV yazır.
Bir dəyişiklik olmazsa, səfər yanvarın 4-də baş tutacağı deyilir.
Məlumata görə, səfər çərçivəsində əsas müzakirə mövzularından birini terrorizmlə mübarizə təşkil edəcək.
Qeyd edək ki, noyabrın 28-də İran prezidentinin Türkiyəyə səfəri planlaşdırılsa da, baş tutmayıb. İranın xarici işlər naziri Hüseyn Əmir Abdullahian səfərin BMT Təhlükəsizlik Şurasının Qəzza zolağındakı vəziyyətlə bağlı iclası səbəbindən təxirə salındığını bildirib.
