Konqres Ukraynaya yardımla bağlı hərəkətə keçməlidir.
Senzor.az yerli KİV-ə istinadən bildirir ki, bunu ABŞ dövlət katibi Entoni Blinken Rusiyanın Ukraynaya genişmiqyaslı hava zərbələri ilə bağlı "X" hesabında bildirib.
Ölkəsinin Rusiyanın bu gün Ukraynaya dəhşətli zərbələrini kəskin şəkildə pislədiyini xatırladan dövlət katibi Ukraynaya yardımın davam etdirilməli olduğunu vurğulayıb: "Putin amansız işğalçı müharibəsini davam etdirdiyi üçün biz Ukraynanın özünü müdafiə etməsinə dəstək verməliyik. Konqres yeni ildə hərəkətə keçməlidir", - deyə Blinken qeyd edib.
Xatırladaq ki bu gün səhər saatlarında Rusiyanın Ukraynanın müxtəlif şəhərlərinə raket və dron hücumları nəticəsində öldürlən ukraynalıların sayı 27-yə yüksəlib, 144 nəfər isə yaralanıb.
